У истоков российского уголовного судопроизводства (к 1000-летию Русской Правды). Монография

Загорский Г.И., Зюбанов Ю.А.

Возрастное ограничение: 0+ Жанр: Юридическая Издательство: Проспект Дата размещения: 21.08.2015 ISBN: 9785392185931 Язык: Объем текста: 124 стр. Формат: epub

Оглавление

Введение

Глава I. Образование церковных и светских судов на Руси

Глава II. Основные виды доказательств в древнерусском уголовном судопроизводстве

Глава ІІІ. Гарантии уголовного судопроизводства

Приложения

Для бесплатного чтения доступна только часть главы! Для чтения полной версии необходимо приобрести книгу

Приложение 1

ПРАВДА РОСЬКАЯ
(Краткая редакция)

1. Убьеть муж мужа, то мьстить брату брата, или сынови отца, любо отцю сына, или братучаду, любо сестрину сынови; аще не будеть кто мьстя, то 40 гривенъ за голову; аще будеть русинъ, любо гридинъ, любо купчина, любо ябетникъ, любо мечникъ, аще изъгои будеть, любо словенинъ, то 40 гривенъ положити за нь.

2. Или будеть кровавъ или синь надъраженъ, то не искати ему видока человѣку тому; аще не будеть на немъ знамениа никоторагоже, то ли приидеть видокъ; аще ли не можеть, ту тому конець; оже ли себе не можеть мьстити, то взяти ему за обиду 3 гривнѣ, а лѣтцю мъзда.

3. Аще ли кто кого ударить батогомъ, любо жердью, любо пястью, или чашею, или рогомъ, или тылеснию, то 12 гривнѣ; аще сего не постигнуть, то платити ему, то ту конець.

4. Аще утнеть мечемъ, а не вынемъ его, любо рукоятью, то 12 гривнѣ за обиду.

5. Оже ли утнеть руку, и отпадеть рука любо усохнеть, то 40 гривенъ.

6. Аще будеть нога цѣла или начьнеть храмати, тогда чада смирять.

7. Аще ли персть утнеть которыи любо, 3 гривны за обиду.

8. А во усѣ 12 гривнѣ, а въ бородѣ 12 гривнѣ.

9. Оже ли кто вынезь мечь, а не тнеть, то тъи гривну положить.

10. Аще ли ринеть мужь мужа любо от себе любо к собѣ, 3 гривнѣ, а видока два выведеть; или будеть варягъ или колбягъ, то на роту.

11. Аще ли челядинъ съкрыется любо у варяга, любо у кольбяга, а его за три дни не выведуть, а познають и въ третий день, то изымати ему свои челядинъ, а 3 гривнѣ за обиду.

12. Аще кто поѣдеть на чюжемъ конѣ, не прошавъ его, то положити 3 гривнѣ.

13. Аще поиметь кто чюжь конь, любо оружие, любо портъ, а познаеть въ своемь миру, то взяти ему свое, а 3 гривнѣ за обиду.

14. Аще познаеть кто, не емлеть его, то не рци ему: «Мое», нъ рци ему тако: «Поиди на сводъ, гдѣ еси взялъ»; или не поидеть, то поручника за пять днии.

15. Аже гдѣ възыщеть на друзѣ проче, а он ся запирати почнеть, то ити ему на изводъ пред 12 человѣка; да аще будеть обидя не вдалъ будеть, достоино ему свои скотъ, а за обиду 3 гривнѣ.

16. Аще кто челядинъ пояти хощеть, познавъ свои, то къ оному вести, у кого то будеть купилъ, а тои ся ведеть ко другому, даже доидеть до третьего, то рци третьему: вдаи ты мнѣ свои челядинъ, а ты своего скота ищи при видоцѣ.

17. Или холопъ ударить свободна мужа, а бѣжить въ хоромъ, а господинъ начнеть не дати его, то холопа пояти, да платить господинъ за нь 12 гривнѣ; а за тымъ, где его налѣзуть удареныи тои мужь, да бьють его.

18. А иже изломить копье, любо щитъ, любо портъ, а начнеть хотѣти его деръжати у себе, то приати скота у него; а иже есть изломилъ, аще ли начнеть примѣтати, то скотомъ ему заплатити, колько далъ будеть на немъ.

Правда уставлена руськои земли, егда ся съвокупилъ Изяславъ, Всеволодъ, Святославъ, Коснячко, Перенѣгь, Микыфоръ Кыянинъ, Чюдинъ, Микула.

19. Аще убьють огнищанина въ обиду, то платити за нь 80 гривенъ убиици, а людемъ не надобѣ; а въ подъѣздъномъ княжи 80 гривенъ.

20. А иже убьють огнищанина в разбои, или убиица не ищуть, то вирное платити, в неиже вири голова начнеть лежати.

21. Аже убиють огнищанина у клѣти, или у коня, или у говяда, или у коровьѣ татьбы, то убити въ пса мѣсто. А то же поконъ и тивуницу.

22. А въ княжи тивунѣ 80 гривенъ.

23. А конюхъ старыи у стада 80 гривенъ, яко уставилъ Изяславъ въ своем конюсѣ, егоже убилѣ дорогобудьци.

24. А въ сельскомъ старостѣ княжи и в ратаинѣмъ 12 гривнѣ.

25. А в рядовници княжѣ 5 гривенъ.

26. А въ смердѣ и въ холопѣ 5 гривенъ.

27. Аще роба кормилица любо кормиличицъ, 12.

28. А за княжь конь, иже тои с пятномъ, 3 гривнѣ, а за смердѣи 2 гривнѣ, за кобылу 60 рѣзанъ, а за волъ гривну, а за корову 40 рѣзань, а третьякь 15 кунъ, а за лоньщину полъ гривнѣ, а за теля 5 рѣзанъ, за яря ногата, за боранъ ногата.

29. А оже уведеть чюжь холопъ любо робу, платити ему за обиду 12 гривнѣ.

30. Аще же приидеть кровавъ мужь любо синь, то не искати ему послуха.

31. А иже крадеть любо конь, любо волы, или клѣть, да аще будеть единъ кралъ, то гривну и тридесятъ рѣзанъ платити ему; или ихъ будеть 18, то по три гривнѣ и по 30 рѣзанъ платити мужеви.

32. А въ княжѣ борти 3 гривнѣ, любо пожгуть, любо изудруть.

33. Или смердъ умучать, а безъ княжа слова, за обиду 3 гривны; а въ огнищанинѣ, и в тивуницѣ, и въ мечници 12 гривънѣ.

34. А иже межу переореть любо перетесъ, то за обиду 12 гривнѣ.

35. А оже лодью украдеть, то за лодью платити 30 рѣзанъ, а продажи 60 рѣзанъ.

36. А въ голубѣ и въ куряти 9 кунъ, а въ уткѣ, и въ гусѣ, и въ жеравѣ, и въ лебеди 30 рѣзанъ; а продажи 60 рѣзанъ.

37. А оже украдуть чюжь песъ, любо ястребъ, любо соколъ, то за обиду 3 гривны.

38. Аще убьють татя на своемъ дворѣ, любо у клѣти, или у хлѣва, то тои убитъ; аще ли до свѣта держать, то вести его на княжь дворъ; а оже ли убьють, а люди будуть видѣли связанъ, то платити в немь.

39. Оже сѣно крадуть, то 9 кунъ; а въ дровехъ 9 кунъ.

40. Аже украдуть овъцу, или козу, или свинью, а ихъ будеть 10 одину овьцу укралѣ, да положать по 60 рѣзанъ продажи; а хто изималъ, тому 10 рѣзанъ.

41. А от гривне мечнику куна, а в десятину 15 кунъ, а князю 3 гривны, а от 12 гривну емъцю 70 кунъ, а в десятину 2 гривнѣ, а князю 10 гривенъ.

42. А се поконъ вирныи: вирнику взяти 7 вѣдоръ солоду на недѣлю, тъже овенъ любо полоть, или двѣ ногатѣ; а въ среду рѣзану въже сыры, в пятницу тако же; а хлѣба по кольку могуть ясти, и пшена; а куръ по двое на день; конѣ 4 поставити и сути имъ на ротъ, колько могуть зобати; а вирнику 60 гривенъ и 10 рѣзанъ и 12 вѣверици, а передѣ гривна; или ся пригоди в говѣние рыбами, то взяти за рыбы 7 рѣзанъ; тъ всѣхъ кунъ 15 кунъ на недѣлю; а борошна колько могуть изъясти; до недѣли же виру сберуть вирници. То ти урокъ Ярославль.

43. А се урокъ мостьниковъ: аще помостивше мостъ, взяти от дѣла ногата, а от городници ногата; аще же будеть ветхаго моста потвердити нѣколико доскъ, или 3, или 4, или 5, то тое же.

СУД ЯРОСЛАВЛЬ ВОЛОДИМѢРИЧЬ
ПРАВДА РУСЬСКАЯ
(Пространная редакция)

1. Аже убиеть мужь мужа, то мьстити брату брата, любо отцю, ли сыну, любо братучадо, ли братню сынови; аще ли не будеть кто его мьстя, то положити за голову 80 гривенъ, аще будеть княжь мужь или тиуна княжа; аще ли будеть русинъ, или гридь, любо купець, любо тивунъ боярескъ, любо мечникъ, любо изгои, ли словѣнинъ, то 40 гривенъ положити за нь.

2. По Ярославѣ же паки совкупившеся сынове его, Изяславъ, Святославъ, Всеволодъ, и мужи ихъ, Коснячько, Перенѣгь, Никифоръ, и отложиша убиение за голову, но кунами ся выкупати; а ино все, якоже Ярославъ судилъ, такоже и сынове его уставиша.

3. О убииствѣ. Аже кто убиеть княжа мужа в разбои, а головника не ищють, то виревную платити, въ чьеи же верви голова лежить, то 80 гривенъ, паки ли людинъ, то 40 гривенъ.

4. Которая ли вервь начнеть платити дикую ви`ру, колико лѣтъ заплатить ту виру, зане же безъ головника имъ платити.

5. Будеть ли головникъ ихъ въ верви, то зане к нимъ прикладываеть, того же дѣля имъ помагати головнику; любо си дикую виру, но сплатити имъ во обчи 40 гривенъ, а головничьство самому головнику, а въ 40 гривенъ ему заплатити ис дружины свою часть.

6. Но оже будеть убилъ или въ свадѣ или в пиру явлено, то тако ему платити по верви нынѣ, иже ся прикладываеть вирою.

7. Оже станеть без вины на разбои. Будеть ли сталъ на разбои безъ всякоя свады, то за разбоиника люди не платять, но выдадять и всего съ женою и с дѣтми на потокъ и на разграбление.

8. Аже кто не вложить в дикую виру, тому людье не помагають, но самъ платить.

9. А се покони вирнии были при Ярославѣ: вирнику взяти 7 вѣдеръ солоду на недѣлю, же овенъ любо полоть, любо 2 ногатѣ; а в середу куна оже сыръ, а в пятницю тако же, а куръ по двою ему на день, а хлѣбовъ 7 на недѣлю, а пшена 7 уборковъ, а гороху 7 уборковъ, а соли 7 голважень; то то вирнику со отрокомь; а кони 4, конемъ на ротъ сути овесъ; вирнику 8 гривенъ, а 10 кунъ перекладная, а метелнику 12 вѣкшии, а съсадная гривна.

10. О вирах. Аже будеть вира во 80 гривенъ, то вирнику 16 гривенъ и 10 кунъ и 12 вѣкши, а переди съсадная гривна, а за голову 3 гривны.

Юридическая Загорский Г.И., Зюбанов Ю.А. У истоков российского уголовного судопроизводства (к 1000-летию Русской Правды). Монография

Юридическая Загорский Г.И., Зюбанов Ю.А. У истоков российского уголовного судопроизводства (к 1000-летию Русской Правды). Монография

В монографии дается подробная характеристика одного из первых законодательных источников уголовного судопроизводства нашей страны – Русской Правды, прослеживается взаимосвязь первых актов, регулирующих вопросы судоустройства и судопроизводства, с основными идеями христианства и влияние христианской религии на развитие и становление уголовно-процессуального законодательства российского государства.<br /> Издание может быть рекомендовано студентам и аспирантам юридических учебных заведений, практическим работникам судебных и правоохранительных органов и представляет интерес для читателей, интересующихся проблемами теории и истории уголовного судопроизводства.

Внимание! Авторские права на книгу "У истоков российского уголовного судопроизводства (к 1000-летию Русской Правды). Монография" (Загорский Г.И., Зюбанов Ю.А.) охраняются законодательством!